წმინდა ნიკოლოზის აღდგენილი ტაძარი ზუგდიდში და ნონა შონიას საიუბილეო პარაკლისი
.jpg)
ზუგდიდში, იქ, სადაც ათწლეულების წინ წმინდა ნიკოლოზის სახელობის ტაძარი მდებარეობდა, სულიერი ცხოვრება ხელახლა იბადება. კომუნისტური რეჟიმის დროს დანგრეული და მივიწყებას მიცემული წმინდა ადგილი კვლავ იბრუნებს თავის პირვანდელ დანიშნულებასა და სიდიადეს.
ქალბატონ ნონა შონიასა და მისი ოჯახის გულმოდგინე ზრუნვითა და თაოსნობით, ამ ისტორიულ მიწაზე წმინდა ნიკოლოზის ახალი ტაძარი შენდება. ეს წამოწყება მხოლოდ ტაძრის მშენებლობა არ არის - ესაა ისტორიული სამართლიანობის აღდგენა, რწმენის გამარჯვება დროზე და წინაპართა ლოცვის გაცოცხლება.
დღეს ამ წმინდა ადგილას განსაკუთრებული და ისტორიული დღე შედგა: ტაძრის უკვე ნაკურთხ საძირკველთან, ხანგრძლივი პაუზის შემდეგ, პირველად აღესრულა წმინდა ნიკოლოზის პარაკლისი.
ეს სულიერი ზეიმი კიდევ უფრო ამაღელვებელი და მნიშვნელოვანი გახდა იმით, რომ დღეს ქალბატონ ნონა შონიას 70 წლის იუბილეა ! ეს არის უფლისადმი გაღებული ულამაზესი მადლიერების საჩუქარი და გამორჩეული გზის დაგვირგვინება.
ვულოცავთ ქალბატონ ნონას ღირსშესანიშნავ იუბილეს, ვუსურვებთ ჯანმრთელობას, სულიერ მხნეობასა და იმ დიდ სიხარულს, რომელსაც საკუთარი თვალით დასრულებული ტაძრის ხილვა და მასში აღვლენილი წირვა-ლოცვა ჰქვია.
ტაძარს შონიების საგვარეულო კავშირის სახელით, გადაეცა ხატი წმიდისა ნიკოლოზისა.
"ხატი წმინდისა ნიკოლოზისა დაიწერა შონიების საგვარეულოს შემოწირულობით
დეკანოზ ზაქარია შონიას ლოცვა-კურთხევითა და ოთარ შონიას ხელმძღვანელობით"
შონიების საგვარეულო კავშირის წინამძღოლი
ოთარ შონია
მღვდელი გაკო შელია
გაბრიელ ( გაგო) შელია 1868 წლიდან მსახურობდა და აღავლენდა ღვთის მსახურებას ს. ზენის იოანე ნათლისმცემლის სახელობის ეკლესიაში. ამ ისტორიული ფოტოს გარდა ოჯახში აღმოჩდა
მარიამ ღვთისმშობლის ვერცხლის ხატი, რომელიც ამ ეკლესიაში იყო დაბრძანებული 1860-იან წლებში და ლოცუობდნენ ჩვენი წინაპრები. ოჯახის წევრის გადმოცემით ეს ხატი მე-20 საუკუნის 50-70-იან წლებში მოსალოცად დაჰქონდათ საჯიჯაოში , როცა იყო გვალვები არ იწვიმებდა თვეობით , რა დროსაც იკვლებოდა საკლავი/შესაწირი და ხატის წინაშე ლოცულობდნენ და ევედრებოდნენ , რომ ეწვია.
ხატის უკან ინახებოდა მღვდელ გაბრიელ შელიას ფოტო გადაღებული 1894 წლის 1 მაისს. წარწერა მღვდელ გ. შელიას მიერ არის გაკეთებული. მქონდა შესაძლებლობა მომუშავა მის მიერ შედგენილ ეკლესიის მეტრიკულ წიგნებზე. ამ ეკლესიაში მსახურობდნენ მღვდლები: კალისტრატე ვაწას ძე შელია, ივოანე და გაბრიელ შელია. გაბრიელი იყო ბოლო მღვდელი.
დავით ახალაიას კომენტარი
პატრიარქის ანგელოზის ხსენების დღე და საგვარეულოების თანადგომა
2 აგვისტო: პატრიარქის ანგელოზის ხსენების დღე და საგვარეულოების თანადგომა
2 აგვისტოს, წმინდა სილიბისტრო თესბიტელისა და საქართველოს კათოლიკოს-პატრიარქის ანგელოზის ხსენების დღესთან დაკავშირებით, სამების საკათედრო ტაძარში საზეიმო წირვა-ლოცვა აღევლინა. ღვთისმსახურება პატრიარქის მოსაყდრემ, მიტროპოლიტმა შიომ აღასრულა. ტაძარში შეკრებილ მრევლთან ერთად ლოცვას ესწრებოდნენ უწმინდესის მიერ დალოცვილი გვარების წარმომადგენლები.
წირვის დასრულების შემდეგ, სიონის საპატრიარქო ტაძარში სულის მოსახსენებელი პანაშვიდი გადაიხადეს.
შონიების საგვარეულო კავშირის მონაწილეობა
ღონისძიებაზე განსაკუთრებით გამოიკვეთა შონიების საგვარეულო კავშირის აქტიური ჩართულობა. საგვარეულო დროშის ფონზე, გვარისა და მრევლის სახელით კომენტარი გააკეთა ოთარ შონიამ:
„დღევანდელ დღეს ისევ ვულოცავთ ჩვენს სამშობლოს, იმიტომ რომ დიდი საქმე და დიდი მოღვაწე დავკარგეთ — ჩვენი უწმინდესის სახე. მადლიერების გრძნობის გამოხატვის ნიშნად მოვედით დღეს ჩვენს მშვენიერ ილიაობაზე.“
შონიების საგვარეულოს წარმომადგენელთა თანადგომა და ორგანიზებული მონაწილეობა კიდევ ერთხელ უსვამს ხაზს საგვარეულო კავშირების როლს ეროვნულ-სულიერი ტრადიციების შენარჩუნებასა და პატივისგებაში.
კვირას, 2 აგვისტოს, ილიაობის დღესასწაულის აღსანიშნავად, პატრიარქის მიერ დალოცვილი გვარები წმინდა სამების საკათედრო ტაძარში შევიკრიბეთ.
საზეიმო ღვთისმსახურებაში მონაწილეობდა მამა ზაქარია (შონია).
შონიების საგვარეულო კავშირის წინამძღოლი
ოთარ შონია
https://www.facebook.com/share/1EqREFA78g/
გიორგი დავითის ძე შონიას წარმატება
ფოთში,, ოქროს ტბაზე,, ევროპისა და აფრიკის ღია ჩემპიონატი წყალსათხილამურო სპორტში დაიწყო, სადაც ჩვენი გვარის შვილი გიორგი დავითის ძე შონია ასპარეზობს და უკვე ფინალშია დღეს ხობელმა შონიებმა მხარი დავუჭირეთ გიორგის და ოფიციალურ გახსნამდე მის ოჯახის წევრებთან, ნათესავებთან ერთად გადავიღეთ სამახსოვრო ფოტო.
წარმატება ჩვენს საამაყო გიორგის ფინალში!
,, ძლიერი გვარი-ძლიერი სამშობლო,,
#შონიებისერთობასგაუმარჯოს
Подписаться на:
Сообщения (Atom)