„ხობელი“ შონიების ძირი სოფელ ბიიდან მოდის - ხობში ჩემი დიდი ბაბუას მამა ბართლომე შონია XX საუკუნის დასაწყისში გადმოსახლდა.
 |
| გუჯუ შონია (ჩემი დიდი ბაბუას სიმონ (ბუტა) შონიას ბიძა) |
 |
| ნოდარი შონიას არქივიდან |
შონიების ჰიმნი
წინაპართა გამოვლილი
გზა ძნელი და შორია,
მაგრამ მასზე ღირსეულად
მოდის გვარი-შონია.
უკვდავია მისი სუნთქვა,
ვით ენგურის დინება
ზნეობით და შრომით შეძლო
თავის წარმოჩინება.
ჩვენი კერა სიყვარულით,
რწმენით შემოსილია
და შონიაც ამ მიწა-წყლის
ღირსეული შვილია.
მზეობს ჩვენი ეზო-კარი
გაბადრული აკვნებით,
მამულს შემწედ და მეოხად
კვლავაც გავუმრავლდებით.
შონი-ტომი ქართველური,
ვაზის ღმერთი კოლხური,
შონია-კი სინამდვილე,
ლეგენდებით მორთული.
გაძლიერდი, გაიხარე,
გვარო სახელიანო,
უსასრულო მომავალში
რათა ძლევით იარო!
გაუმარჯოს საშონიოს
საქმითა და ოცნებით,
ერით, ბერით, დიდ-პატარის
ნატვრის ასხივოსნებით!
ჩვენს ხატებს და სალოცავებს
რაც ნათელი ჰქონია,
მისი მადლით სულ ხარობდეს
დიდი გვარი-შონია!
ავტორი: ჯემალ შონია
